Respýblıka kúni qarsańynda Aqmola oblysynyń ákimi Ermek Marjyqpaev Polısııa departamentiniń qyzmetkerlerine kólik kiltterin tabystady, dep habarlaıdy Egemen.kz.
«Jergilikti atqarýshy organdardyń kómegimen avtoparkte 47 jańa kólik paıda boldy, onyń ishinde 40 «Chevrolet Cobalt» markaly avtokóligi bar. Onyń 30-y quqyq qorǵaý organdarynyń negizgi býyny - halyqpen tikeleı jumys júrgizetin patrýldik polısııa bólimsheleri men ýchaskelik polısııa ınspektorlaryna arnalǵan. Osy markadaǵy taǵy 10 avtokólik standartty túrde ártúrli jedel-izdestirý is-sharalaryn júrgizý úshin vedomstvonyń jedel qyzmetterine beriletin bolady. Sonymen qatar «Jac» markaly 5 avtozakty aıdaýyl qyzmetiniń bólimsheleri aldy. Jańa avtokólikterdiń kiltteri saltanatty túrde arnaıy jedel áreket etý jasaǵyna tabystaldy», dep jazdy IIM resmı saıty.