Mádenıet salasynyń mamandary jurtshylyqty Respýblıka kúni merekesimen quttyqtady, dep habarlaıdy Egemen.kz elorda ákimdiginiń saıtyna silteme jasap.
«Qadirli aǵaıyn, 1990 jyly Qazaqstannyń egemendigi týraly deklarasııa qabyldandy. Bul táýelsizdigimizge jasalǵan birinshi qadamymyz. Bul aıtýly, tarıhı mereke. Sol sebepti 25 qazan - úlken tarıhı kún. Egemendigimizdi kózimizdiń qarashyǵyndaı saqtap, birlikte bolaıyq, aǵaıyn! Respýblıka kúni qutty bolsyn! Aspanymyz ashyq bolyp, Qazaq eli árdaıym álemge áıgili, dúnıe júzinde orny bar, álemniń damyǵan elderimen terezesi teń bolǵaı!», dedi «Astanalyq sırktiń» bas dırektory, QR eńbek sińirgen qaıratkeri Erik Joljaqsynov.
QR Eńbek sińirgen qaıratkeri Ashat Maemırov elordalyqtardy merekemen quttyqtady.
«Ushy-qıyry jetpeıtin ulan-ǵaıyr dala - ata-babalarymyzdyń baǵzy zamannan bergi qasıetti mekeni. Sol babalar jerinde búginde egemendiktiń kók baıraǵy jelbirep tur. Jańa Qazaqstannyń ósip-órkendeýi óskeleń urpaqpen tikeleı baılanysty. Astana qalasy Mýzykalyq jas kórermen teatrynyń da maqsaty osy - óskeleń urpaqqa ulttyq qundylyqtardy dáripteý bolyp esepteledi.
Qazaqstannyń tańdaǵan ádilettilik joly - bizdi búkil álemge pash etetin basty temirqazyq. Sondyqtan júregi el dep soqqan árbir otandasymyz jańa Qazaqstannyń damýyna, qalyptasýyna, órkendeýine úles qosyp, mańdaıymyz jarqyrap, álemdik keńistikterde bıikten kórine bereıik!», dedi ol.
О́z kezeginde akter Ádil Ahmetov merekeniń mańyzdylyǵyna toqtalyp ótti.
«1990 jyly 25 qazanda egemendik týraly deklarasııa qabyldanǵan edi. Árbir oqıǵa óz ýaqytynda, aqıqatymen bolǵany durys dep esepteımin. Respýblıka kúnine oraı otandastarymdy, Qazaq elin ulttyq merekemen quttyqtaımyn! Egemendigimiz máńgi bolsyn! Táýelsiz Qazaqstan máńgilik jarqyrap, jaınaı bersin!», dedi akter.