TikTok qosymshasy qazaq tiline aýdarylady. Sondaı-aq osy jyldyń kúzinde servıs Astana jáne Almaty qalasynda eki ókildigin ashady. Bul týraly Astana media week aptalyǵynda Tik Tok Qazaqstan Bas dırektory Anastasııa Panına habarlady, dep jazady Egemen.kz.
Anastasııa Panına Qazaqstanda shyǵarmashylyq aýdıtorııa kóp ekenin atap ótti.
«Biz TikTok-ta jańa kontent jasaıtyn kóptegen mýzykanttardy, jas analardy, balalardy kóremiz. Áleýmettik platforma retinde qoǵamǵa jaqyn bolǵymyz keledi. Sondyqtan osy kúzde Qazaqstanda ókildik ashamyz. TikTok-taǵy kontentti barynsha qyzyqty ári paıdaly ete otyryp, bilim berý uıymdarymen, memleketpen birlesip, paıdaly ári qyzyqty joba usynyp, tıimdi jumys jasaıtynymyzǵa qýanyshtymyn», dep atap ótti ol.