QR Qarjy mınıstrligi Ishki memlekettik aýdıt komıtetiniń tóraǵasy Erjan Myńjasarov jyl basynan beri 288 mıllıard teńgeniń qarjylyq buzýshylyqtary anyqtalǵanyn aıtty, dep habarlaıdy Egemen.kz.
«Jyl basynan beri biz 1851 tekserý júrgizdik. Tekserý qorytyndysy boıynsha 288 mlrd teńgege jýyq qarjylyq buzýshylyqtar anyqtaldy. Onyń 10 mıllıard teńgege jýyǵy bıýdjetke óteldi. 29 mlrd teńgege jýyq somaǵa taýarlar jetkizildi, qyzmetter kórsetildi, jumystar atqaryldy. 233 mlrd teńgeden astam somaǵa kemshilikter býhgalterlik esepterge sáıkestendirildi», dedi Erjan Myńjasarov Ortalyq kommýnıkasııalar qyzmetinde ótken brıfıngte.
Onyń aıtýynsha, tekseriletin sýbektilerge 1638 nusqama berilip, onyń 70 paıyzdan astamy oryndalǵan. Ákimshilik quqyq buzýshylyq týraly kodekske sáıkes 6901 materıal boıynsha is qozǵalyp, jalpy somasy 605 mıllıon teńgeden astam aıyppul salyndy. Búgingi tańda bıýdjetke 587 mıllıon teńge nemese 97 paıyzy tólendi. 1595 tulǵa tártiptik jaýapkershilikke tartyldy. Quqyq qorǵaý organdaryna 150-ge jýyq materıal jiberilip 80 materıal boıynsha qylmystyq is qozǵaldy.