Qazaqstan Respýblıkasy prezıdenttigine kandıdat Saltanat Tursynbekova elordalyq kópbalaly analarmen kezdesip, óz quqyǵyn qorǵaý boıynsha túsindirme berdi.
Kópbalaly otbasylardyń máseleleri bárine belgili: qıyn qarjylyq jaǵdaı, baspana máselesi, balalardy oqytýdy uıymdastyrý, qaryz júktemesi. Kópbalaly analar kandıdattan osy jáne ózge de problemalardy sheshý joldaryn qarastyrýdy ótindi.
Saltanat Tursynbekova óziniń nelikten qoǵamdyq jumystarymen belsendi túrde aınalysyp júrgenin túsindirdi. «Men memlekettik organdardyń qalaı jumys isteıtinin, qaı tustary aqsap turatynyn jaqsy bilemin. 5 jyldan beri aýyldardy, daǵdarys ortalyqtaryn, otbasylardy qoldaý úshin qurylǵan mekemelerdi, Qarttar úılerin, Balalar úılerin, bas bostandyǵynan aıyrylǵan áıelderge arnalǵan túrmelerdi aralap júrmin. Men bizdiń áıelderdiń jasóspirimderden bastap, qarttaryna deıin ne tolǵandyratynyn jaqsy bilemin. Olardyń qalaı ómir súrip jatqanyn kórgen saıyn árqaısysy úshin janym aýyrady. Al men jaǵdaıdy, qazirgi statýs-kvony ózgertkim keledi. Men úshin qoǵamymyzdyń eń osal toptaryna – kópbalaly analarǵa, tolyq emes otbasyndaǵy ata-analarǵa, múgedekterge, erekshe qajettilikteri bar balalardyń analaryna jáne basqa da qoldaýdy qajet etetin azamattarǵa kómektesetin reformalardy jasaǵym keledi», dedi S.Tursynbekova.