Ortalyq saılaý komıssııasy «Qazaqstan Halyq partııasynyń» múshesi Dmıtrıı Legkııdi Parlament Májilisiniń depýtaty etip tirkedi, dep habarlaıdy Egemen.kz.
«Qazaqstan Respýblıkasy Parlamenti Májilisi depýtatynyń bos mandaty «Qazaqstan Halyq partııasy» qoǵamdyq birlestiginiń múshesi Dmıtrıı Maksımovıch Legkııge berilsin. Ol Parlament Májilisiniń depýtaty bolyp tirkelsin. Oǵan belgilengen úlgidegi tıisti kýálik pen tósbelgi tabys etilsin», delingen OSK qaýlysynda.
Eske sala keteıik, buǵan deıin Májilis depýtattary Ortalyq saılaý komıssııasynyń Májilis depýtaty Aıbek Paıaevtyń ókilettigin merziminen buryn toqtatý týraly usynysyn qoldaǵan edi. Aıbek Paıaev óz ókilettigin toqtatý týraly aryz bergen bolatyn. Aıta keteıik, Aıbek Paıaev «Qazaqstan Halyq partııasy» fraksııasynyń depýtaty bolǵan.