«2023 jyly demalys kúnderin aýystyrý týraly» Qazaqstan Úkimeti qaýlysynyń jobasy daıyndaldy, dep habarlaıdy Egemen.kz.
«Demalys kúnin 2023 jylǵy 1 shildedegi senbiden 2023 jylǵy 7 shildedegi jumaǵa aýystyrý», delingen qujatta.
6 shildede Qazaqstanda memlekettik mereke - Astana kúni atap ótiledi.
Osylaısha, 2023 jylǵy shildede qazaqstandyqtar bes kúndik jumys aptasynda 6, 7, 8 jáne 9 shildede demala alady. Alty kúndik jumys aptasynda demalys kúnderi úsh kúndi quraıdy.
Negizdemede aıtylǵandaı, demalysty aýystyrý mereke kúnderi, sondaı-aq demalys kúnderi jumys ýaqytyn utymdy paıdalaný maqsatynda júzege asyrylady.
Qujat 15 qarashaǵa deıin Ashyq NQA saıtynda ornalastyrylǵan.