Astana-Berlın: Tolyq túsinistik bar

Senator Germanııa Qazaq­stan­nyń Eýro­palyq Odaqtaǵy mańyzdy strategııalyq áriptesi ekenin atap ótti. Ol barlyq sala­daǵy eki­jaqty qatynastarda jáne halyqaralyq kún tártibindegi negizgi máseleler boıynsha As­ta­na men Berlın arasynda ózara to­lyq túsinistik bar ekenin jet­kizdi.

«Biz elderimizdiń parla­ment­aralyq yntymaqtastyǵyn damy­týǵa zor mańyz beremiz. Eki eldiń Parlamentterinde jumys isteıtin dos­tyq toptary bizdiń parla­ment­aralyq dıalo­gimizdiń berik negizin quraıdy. Se­nattaǵy Halyqaralyq qaty­nastar, qorǵanys jáne qaýipsizdik komıtetiniń tóraǵasy Muhtar Qul-Muhammed topty basqaryp keledi», dedi depýtat.

Senator Muhtar Qul-Muham­med óz keze­ginde Memleket bas­shy­synyń bas­tamasymen eli­mizde júrgizilip jatqan saıası jáne ekonomıkalyq reformalar týraly qonaqtarǵa aıtyp berdi. Senator aldaǵy kezekten tys pre­zıdent saılaýy týraly habardar ete otyryp, bolashaq prezıdenttiń jetijyldyq merzimge bir ret saılanatyny basty jańalyq eke­nine toqtaldy. Bul norma, eń aldymen, saıa­sı júıeniń turaqtylyǵy uzaq merzimdi bolýyna, bılikti monopolııalaý qaýpin joıýǵa jáne demokratııanyń negizgi qaǵıdattaryn nyǵaıtýǵa baǵyttalǵan.

GFR delegattary eki eldiń yn­tymaq­tastyǵyn odan ári nyǵaıtýdyń mańyzdylyǵyn atap óte kelip, memleketterimiz ara­syndaǵy dıplomatııalyq qaty­nastar ornaǵan sátten bastap 30 jyl ishinde Qazaqstan ózin senimdi saıası jáne ekonomıkalyq áriptes retinde kórsetkenin jetkizdi.