Parlament Senatynyń Tóraǵasy Máýlen Áshimbaev palatanyń jalpy otyrysynda adam quqyqtaryn qorǵaý júıesin nyǵaıtý, ókilettikter men jaýapkershilik tepe-teńdigin qamtamasyz etý – Qazaqstanda júrgizilip jatqan reformalardyń basty maqsaty ekenin aıtty, dep habarlaıdy Egemen.kz.
«Qazaqstanda júrgizilip jatqan reformalardyń maqsaty – adam quqyqtaryn qorǵaý júıesin nyǵaıtý, bılik tarmaqtary arasyndaǵy, sondaı-aq ortalyq pen óńirler arasyndaǵy ókilettikter men jaýapkershilikterdiń tepe-teńdigin qamtamasyz etý. Búgingi qabyldanǵan zańdar demokratııalyq ınstıtýttardy damytýǵa, azamattardyń memlekettik jáne saıası qurylymdarǵa senimin nyǵaıtýǵa yqpal etedi. Bul ádiletti Qazaqstandy qurý jolyndaǵy mańyzdy qadam», dedi Máýlen Áshimbaev.
Buǵan deıin Senatta Konstıtýsııalyq sot týraly zań qabyldanǵany habarlanǵan edi.
Endi qazaqstandyqtar ózderiniń quqyqtary men bostandyqtaryn qozǵaıtyn zańdarǵa nemese normatıvtik quqyqtyq aktilerge qarsylyq bildire alady. Azamattardyń ótinishterin Konstıtýsııalyq sot qabyldaıdy. Sondaı-aq zań memlekettiń quqyq qorǵaý ınstıtýttaryn nyǵaıtyp, azamattardyń konstıtýsııalyq baqylaýǵa qoljetimdiligin keńeıtýi tıis.