Parlament Senatynyń jalpy otyrysynda depýtattar «Qazaqstan Respýblıkasynyń keıbir zańnamalyq aktilerine Memleket basshysynyń 2022 jylǵy 16 naýryzdaǵy Joldaýyn iske asyrý máseleleri boıynsha ózgerister men tolyqtyrýlar engizý týraly» zań jobasyn qabyldady, dep habarlaıdy Egemen.kz.
Qujattyń maqsaty - saılaý júıesin jetildirý, zań shyǵarý prosesterin normatıvtik quqyqtyq retteýdi damytý, bıliktiń memlekettik tarmaqtary arasyndaǵy tejeý men tepe-teńdik júıesin kúsheıtý, salalyq zańdardyń erejelerin Konstıtýsııanyń novellalarymen korrelıasııalaý.
Bul rette zań jobasynda 15 kodekske, 46 zańǵa ózgerister men tolyqtyrýlar engiziledi.
Zań jobasynyń negizgi mindetteri:
jergilikti atqarýshy organdarǵa qatysty el Prezıdentiniń jekelegen ókilettikterin joıý; Qazaqstan halqynyń jerge menshik quqyǵyn zańnamalyq bekitý; saıası partııalardyń qyzmetin damytýdyń básekelestik múmkindikterin keńeıtý; quqyq qorǵaý tetikterin nyǵaıtý jáne táýelsizdikti kúsheıtý; saılaý prosesin jańǵyrtý; zań shyǵarý rásimderindegi Úkimettiń ókilettikterin ózgertý.Bul rette zań jobasyn iske asyrý memlekettiń demokratııalyq ınstıtýttarynyń serpindi damýyn qamtamasyz etýge jáne halyqtyń memlekettik organdar men saıası qurylymdarǵa degen senim deńgeıin arttyrýǵa múmkindik beredi dep kútilýde.
Senat depýtattary zań jobasyn qabyldaýdy qoldady. Osylaısha, «Qazaqstan Respýblıkasynyń keıbir zańnamalyq aktilerine Memleket basshysynyń 2022 jylǵy 16 naýryzdaǵy Joldaýyn iske asyrý máseleleri boıynsha ózgerister men tolyqtyrýlar engizý týraly» QR zańy qabyldandy dep esepteledi jáne Prezıdentke qol qoıýǵa jiberiledi.