«Qazaqstan» teleradıokorporasııasy 2022 jyldyń 20 qarashasy men 18 jeltoqsany aralyǵynda Katarda ótetin fýtboldan álem chempıonatynyń matchtaryn kórsetý quqyǵyna ıe boldy, dep habarlaıdy Egemen.kz Olympic.kz saıtyna silteme jasap.
Qazaqstandyq fýtbol súıer qaýym chempıonat matchtaryn «Qazaqstan» jáne «Qazsport» telearnalarynda tikeleı efırde kóre alady. Sonymen qatar qazaqstan.tv jáne qazsporttv.kz saıttarynda tikeleı onlaın translıasııa bolady.
XXII álem birinshiligi Katardyń 5 qalasynda 8 stadıonda ótedi.
Bul rette «Qazaqstan» teleradıokorporasııasynyń túsirilim toby Katar stadıondarynan tikeleı qosylýdy júzege asyrýdy josparlap otyr. Álem chempıonaty kezinde «Qazaqstan» korporasııasynyń áleýmettik jelilerinde jankúıerler arasynda fýtbol atrıbýttary oınatylady.
Qazaqstan aýmaǵynda fýtboldan HHII álem birinshiliginiń oıyndaryn kórsetýge tek qana «Qazaqstan» respýblıkalyq teleradıokorporasııasy quqyly ekenin atap ótý kerek. Osyǵan baılanysty Qazaqstanda matchtardy basqa BAQ jáne platformalar arqyly taratýǵa qatań tyıym salynady.