Qyzylordada jeke úıden 40 000 eýro urlaǵan eki ury ustaldy, dep habarlaıdy Egemen.kz IIM resmı ınternet resýrsyna silteme jasap.
«Polısııa basqarmasynyń 102 arnasyna 54 jastaǵy qala turǵyny aryzdanǵan bolatyn. Belgisiz bireýler úı ıeleriniń joqtyǵyn paıdalanyp, terezesin ashyp kirip, jatyn bólmedegi kereýet astynan 40 000 eýrony, Samsung Galahý Tab S7 jáne Samsung S9 uıaly telefondaryn alyp ketken», delingen habarlamada.
Belgili bolǵandaı, 29 jáne 30 jastaǵy eki kúdikti ustaldy. Atalǵan derek boıynsha QR QK-niń 188-baby 4-bóligi (Adamdar tobynyń aldyn ala sóz baılasýymen asa iri mólsherde jasalǵan urlyq) boıynsha sotqa deıingi tergep-tekserý áreketteri júrgizilýde.