Petropavlda juma kúni keshke qalyń qar jaýa bastady. Senbi kúni qalada qarly boran men kóktaıǵaq boldy, sonyń saldarynan joldarda onnan astam apat oryn aldy, dep habarlaıdy Egemen.kz.
Qazir Petropavl kóshelerinde qar tazalaý jumystary júrgizilýde. Qalalyq qyzmetter dereý joldardy qardan tazartýǵa kiristi.
«О́kinishke oraı, aýa-raıynyń qolaısyzdyǵyna baılanysty bir táýlikte qalada 14 jol-kólik oqıǵasy oryn aldy. Qurbandar men zardap shekkender joq. Qazir aýa-raıy nasharlady, kóshede kóktaıǵaq bar. Sondyqtan joldarda abaı bolýǵa shaqyramyn», dedi qala ákimi Rýslan Anbaev.
Oblystyq polısııa departamentiniń baspasóz qyzmetinen habarlanǵandaı, tańǵy saǵat 8-den beri jol-kólik oqıǵasy týraly bes habarlama kelip túsken.