Elordada jáne elimizdiń 10 oblysynda tuman bolyp, qar, jańbyr jaýady, dep habarlaıdy Egemen.kz «Qazgıdromet» RMK-ǵa silteme jasap.
6 qarashada túnde ońtústik-batysta, kúndiz Mańǵystaý oblysynyń ońtústik-shyǵysynda qatty jańbyr kútiledi. Oblystyń soltústiginde, shyǵysynda, ońtústiginde tuman bolady. Oblystyń soltústiginde, ońtústiginde, batysynda 15-20 m/s jel soǵady. Aqtaýda 6 qarashada kúndiz soltústik-shyǵystan jel soǵady, kúndiz jel ekpini 15-18 m/s bolady.
Aqtóbe oblysynyń soltústiginde, túnde Qaraǵandy oblysynyń shyǵysynda tuman kútiledi.
Túrkistan oblysynyń soltústiginde, ońtústiginde, taýly jáne taý bókterindegi aımaqtarynda tuman bolýy múmkin. Shyǵystan jel soǵady.
Aqmola oblysynyń soltústiginde kóktaıǵaq, tómen qarly boran kútiledi. Kókshetaýda 6 qarashada túnde jáne tańerteń qar jaýady, joldarda kóktaıǵaq bolmaq. Batystan soǵatyn jel ekpini 15-20 m/s bolady.
Astanada ońtústik-batystan, batystan jel soǵady, keı jerlerde ekpini 15 m/s-ke jetedi.
6 qarashada túnde Jetisý oblysynyń soltústiginde, ońtústiginde jáne taýly aımaqtarynda tuman kútiledi.
Soltústik Qazaqstan oblysynyń basym bóliginde qar jaýady dep kútilýde. Oblystyń soltústiginde, ońtústiginde, shyǵysynda kóktaıǵaq, tómen qarly boran bolady. Batystan ekpini 15-20 m/s jel soǵady. Petropavlda kóktaıǵaq, tómen qarly boran kútiledi. Batystan 15-20 m/s jel soǵady.
Batys Qazaqstan oblysynyń soltústigi men batysynda tuman, kóktaıǵaq kútiledi. Oralda 6 qarashada túnde jáne tańerteń tuman túsedi.
Pavlodar oblysynyń soltústiginde kóktaıǵaq kútiledi.
Atyraý oblysynyń soltústiginde, batysynda, ońtústiginde tuman, kóktaıǵaq bolady. Atyraýda 6 qarashada túnde jáne tańerteń tuman kútiledi.