Qazaqstandyq boksshy Aıdos Erbosynuly kýbalyq sportshymen ótkizgen jekpe-jeginde aýyr jaraqat alǵan, dep habarlaıdy Egemen.kz.
Orta salmaqtaǵy qazaqstandyq boksshy Aıdos Erbosynuly 6 qarasha kúni tańerteń WBA Regular ataǵy úshin jekpe-jeginde kýbalyq Devıd Morrelden nokaýtpen jeńilgen. Sports.kz taratqan aqparǵa qaraǵanda, jekpe-jekten keıin sportshy aýyr halde aýrýhanaǵa jatqyzylypty.
Mınneapolıste ótken kezdesý Morreldiń jeńisimen aıaqtaldy.
Jýrnalıst Den Rafaeldiń aıtýynsha, jeksenbi kúni Aıdos komaǵa túsken. Sportshyǵa mıǵa qan ketý dıagnozy qoıylǵan.
Is-sharanyń tikeleı qatysýshysy bolǵan taǵy bir derekkóz «Aıdos aýyr halde» ekenin atap ótti.
Al aýrýhana qyzmetkerleri sportshynyń jaǵdaıyna qatysty qandaı da bir túsinikteme berýden bas tartty.
Rafaeldiń áriptesteri Den Kanobbıo men Djeff Djeffrı de Erbosynuly jasandy koma kúıine engeni jóninde aqparat taratty.