Qazaqstandyqtar 11 qarashadan bastap Iranǵa iskerlik jáne týrıstik maqsatta vızasyz bara alady, dep habarlaıdy Egemen.kz QR SIM baspasóz qyzmetine silteme jasap.
Iran Islam Respýblıkasynyń Úkimeti 2022 jylǵy 11 qarashadan bastap eki el arasyndaǵy qatynastardy damytý jáne nyǵaıtý maqsatynda Qazaqstan azamattary úshin vızasyz rejım engizedi, bul bizdiń azamattarymyzǵa Irannyń aýmaǵynda 14 kúnge deıin bolýǵa múmkindik beredi.
Osyǵan uqsas ereje Qazaqstanǵa saparmen kelgen Iran, Qytaı jáne Úndistan azamattaryna da qoldanylady.
«Qazaqstan Úkimetiniń 2022 jylǵy 7 shildedegi №464 qaýlysymen qolaıly ınvestısııalyq ahýaldy qalyptastyrý, iskerlik baılanystardy jandandyrý jáne elimizdiń týrıstik áleýetin odan ári júzege asyrý maqsatynda Iran, Qytaı men Úndistannyń azamattary úshin vızasyz kirý tártibi engizildi. Osy sheshim atalǵan shet elderdiń azamattaryna Qazaqstan aýmaǵynda kúntizbelik 14 kúnge deıin, 180 kúntizbelik kúndi qamtıtyn árbir kezeń ishinde jalpy alǵanda 42 kúnge deıin vızasyz bolýǵa múmkindik beredi», dedi Aıbek Smadııarov Astanada ótken brıfıngte.