Kompanııa jasandy ıntellektke, jarnamalyq jáne iskerlik platformalarǵa jáne metaverstiń uzaq merzimdi damýyna qatysty ázirlemelerge nazar aýdarýdy sheshken, dep jazady Egemen.kz.
Facebook jáne Instagram áleýmettik jelilerine ıelik etetin meta kompanııasy qyzmetkerlerdi jappaı qysqartyp jatyr. Qazirdiń ózinde 11000-nan astam qyzmetker jumystan shyǵarylady. Bul týraly kompanııa qyzmetkerlerine Meta basshysy Mark Sýkerberg ózi málimdedi.
«Búgin men Meta tarıhyndaǵy eń qıyn ózgerister týraly aıtpaqpyn. Men komandamyzdyń kólemin shamamen 13% - ǵa qysqartyp, 11000-nan astam talantty qyzmetkerlerimizdi jumystan shyǵarýǵa bel baıladym. Biz sondaı-aq shyǵyndardy azaıtý jáne jumysqa moratorııdi uzartý arqyly tıimdi kompanııa bolý úshin birqatar qosymsha qadamdar jasaımyz»,dedi Mark Sýkerberg.
Ol qabyldanǵan sheshimge ókinetinin jasyrmady jáne nelikten jaǵdaı bulaı bolǵanyn túsindirdi.
«Koronavırýstyq pandemııanyń basynda álem tez arada onlaın formatqa kóshti jáne elektrondy saýda-sattyqtyń ulǵaıýy tabystyń shamadan tys ósýine ákeldi. Kópshilik bul jaǵdaı pandemııa aıaqtalǵannan keıin de jalǵasady dep esepteıdi. Men de solaı istemekpin, sondyqtan ınvestısııamyzdy aıtarlyqtaı ulǵaıtý týraly sheshim qabyldadym. О́kinishke oraı, bári men kútkendeı bolmady. Internettegi saýda burynǵy tendensııalarǵa qaıta oralyp qana qoımaı, makroekonomıkalyq quldyraý, básekelestiktiń kúsheıýi jáne jarnamalyq sıgnaldardyń joǵalýy bizdiń tabysymyzdy men kútkennen áldeqaıda tómendetti», dep jazdy Meta basshysy.
Aıta keteıik, qysqartylǵan qyzmetkerler 16 apta ishinde negizgi jalaqysyn jáne jumys istegen ár jyly úshin qosymsha eki apta alady. Sonymen qatar, kompanııa alty aı ishinde jumystan shyǵarylǵandar men olardyń otbasylaryna medısınalyq kómek shyǵyndaryn ótep bermek.