Qazaq qalamgeri kitabynyń Nıý-Iorktegi tusaýkeseri

AQSh-tyń Nıý-Iork qalasynda belgili jazýshy, «Qazaq» gazeti men «Aıqap» jýrnalynyń bas redaktory Qoǵabaı Sársekeev kitabynyń tusaýkeseri ótti. Bul shara amerıkalyq aýdıtorııany qazaq ádebıetimen tanystyrýǵa baǵyttalǵan umtylysty jalǵastyrady. Buǵan deıin osy jerde Ábdijámil Nurpeıisov pen Oljas Súleımenov kitaptarynyń tusaýkeseri ótken bolatyn. Qoǵabaı Sársekeev sóz bolyp otyrǵan shy­ǵar­­­­mashylyq basqosýdy qazaq tilinde ótkizdi. AQSh-ta bizdiń ana tilimizdegi kitaptar sırek kezde­setindikten qazaq dıasporasynyń ókilderi qalam­ger týyndylaryna qyzyǵýshylyq tanytty. «Ýaqyt óte kele bizdiń qazaq jazýshylary­nyń amerıkalyq oqyrmandary artatynyna senimimiz mol. Ázirge biz olarǵa AQSh-pen tanysýǵa septigimizdi tıgizýdemiz», – dedi tusaýkeser rásimi kezinde Nıý-Iork qalasynda­ǵy Qazaqstan Respýblıkasynyń Bas konsýly Raýshan Esbolatov. Osy konsýldyqtyń kómegimen «Qazaqstan-amerıkalyq Alıans» beıkommersııalyq uıymy arqyly júzege asqan kitap tusaýkeserine Nıý-Iork qalasyndaǵy BUU janyndaǵy Qazaqstan Respýblıkasynyń turaqty ókili Qaırat Ábdi­rahmanov ta qatysty. «Egemen-aqparat».