«AgriTek Shymkent 2022» alańynda tıisti kelisimge Qazaqstannyń Aýyl sharýashylyǵy mınıstrligi men Túrkııanyń Aýyl jáne orman sharýashylyǵy mınıstrligi qol qoıdy, dep habarlaıdy Egemen.kz.
Budan bólek taraptar tuqym sharýashylyǵynda birlesip zertteý jumystaryn júrgizýge, sondaı-aq qazaqstandyq mamandar men sharýalardy Túrkııa Respýblıkasynda oqytýǵa ýaǵdalasty.
Túrkııa qazaqstandyq tuqym óndirýshilermen jumys isteýge nıetti. Bul baǵytta kelissóz júrgizý úshin quramynda 41 túrik kompanııasynyń ókili bar delegasııa Qazaqstanǵa keldi.
Jumys sapary aıasynda túrik delegasııasy Shymkenttegi jemis-jıdek ósiretin «Aleksandr baǵyna» bardy. Kásiporynnyń 200 gektarynyń 15-ine Túrkııadan ákelingen «golden delıshes», «djeromı», «fýdjı», «gala», «grenı smıt» alma aǵashynyń butalary otyrǵyzyldy.