Qazaqstan Úkimetiniń 2022 jylǵy 9 qarashadaǵy ókimimen Qazaqstan Respýblıkasynyń Ulttyq ǵylym akademııasyn qaıta uıymdastyrý jónindegi memlekettik komıssııa quryldy, dep habarlaıdy Egemen.kz.
Memlekettik komıssııaǵa Premer-Mınıstrdiń orynbasary – Saýda jáne ıntegrasııa mınıstri Serik Jumanǵarın basshylyq etedi.
Ǵylym jáne joǵary bilim mınıstri Saıasat Nurbek onyń orynbasary bolyp taǵaıyndaldy. Al Ǵylym jáne joǵary bilim mınıstrligine qarasty Ǵylym komıtetiniń tóraǵasy Darhan Ahmed-Zakı komıssııa hatshysy qyzmetin atqarady.
Sonymen qatar memlekettik komıssııaǵa:
Qarjy vıse-mınıstri Tatıana Saveleva; Ulttyq ekonomıka vıse-mınıstri Baýyrjan Omarbekov; Almaty qalasy ákiminiń orynbasary Asqar Ámirın; Qazaqstan Respýblıkasy Ulttyq ǵylym akademııasynyń prezıdenti Murat Jurynov, ǵylymı ortalyqtar men ǵylymı-zertteý ınstıtýttarynyń akademıkteri men rektorlary kirdi.