Serik Saýdabaev «Energoınform» AQ-nyń basshysy bolyp taǵaıyndaldy. Bul týraly «Samuryq-Qazyna» qorynyń baspasóz qyzmeti habarlady, dep jazady Egemen.kz.
«Buǵan deıin «Qazposhta» AQ basqarma tóraǵasy qyzmetin atqarǵan Saýdabaev Serik Bolatuly «Energoınform» AQ basqarma basshysy bolyp taǵaıyndaldy», delingen vedomstvo habarlamasynda.
«Energoınform» – «KEGOC» AQ-nyń enshiles uıymy. Qazaqstannyń ulttyq energetıkalyq júıesine qatysýshylardyń aqparattyq-telekommýnıkasııalyq keshenderiniń jumysyn jáne damýyn qamtamasyz etedi.
Serik Saýdabaev 2021 jyldyń qyrkúıeginen 2022 jyldyń qazan aıyna deıin «Qazposhta» basshysy qyzmetin atqarǵan.
Qazan aıynyń basynan bastap Qazposhtany burynǵy Saýda jáne ıntegrasııa vıse-mınıstri Ásel Janasova basqaryp keledi.