Qazaqstan Respýblıkasy Úkimetiniń qaýlysymen Bekbolat Serikuly Moldabekov QR Ádilet vıse-mınıstri qyzmetine taǵaıyndaldy. Bul týraly QR Premer-Mınıstriniń baspasóz qyzmeti habarlady. dep jazady Egemen.kz.
Bekbolat Moldabekov 1991 jyly Jambyl oblysynda týǵan. T.Rysqulov atyndaǵy Qazaq ekonomıkalyq ýnıversıtetin támámdaǵan.
Eńbek jolyn 2014 jyly «Ulttyq aqparattyq tehnologııalar» AQ jobalyq keńsesiniń taldaýshysy bolyp bastaǵan.
2014 jyldan 2016 jylǵa deıin QR Investısııalar jáne damý mınıstrligi Baılanys, aqparattandyrý jáne aqparat komıtetiniń jańa aqparattyq modeldi damytý jáne normatıvtik tehnıkalyq qujattamany saraptaý basqarmasynyń bas sarapshysy bolyp jumys istedi.
2016-2017 jyldary Aqparat jáne kommýnıkasııalar mınıstrligi Aqparattandyrý departamenti normatıvtik-tehnıkalyq qujattamanyń jańa aqparattyq modelin jáne saraptamasyn damytý basqarmasynyń bas sarapshysy bolǵan.
2017-2018 jyldary Aqparat jáne kommýnıkasııalar mınıstrligi Aqparattandyrý departamenti normatıvtik-tehnıkalyq qujattamanyń jańa aqparattyq modelin jáne saraptamasyn damytý basqarmasynyń basshysy qyzmetin atqarǵan.
2018-2019 jyldary Sıfrlyq damý, Qorǵanys jáne aeroǵarysh ónerkásibi mınıstrliginiń sıfrlandyrý departamenti dırektorynyń orynbasary laýazymynda jumys istedi.
2019-2020 jyldary Sıfrlyq damý, ınnovasııalar jáne aeroǵarysh ónerkásibi mınıstrliginiń sıfrlandyrý departamentiniń dırektory qyzmetin atqarǵan.
2020-2021 jyldary Sıfrlyq damý, ınnovasııalar jáne aeroǵarysh ónerkásibi mınıstrliginiń sıfrlyq transformasııa, sıfrlyq sheshimder departamentiniń dırektory bolyp jumys istedi.
2021 jyldyń tamyz aıynan bastap qazirgi ýaqytqa deıin Sıfrlyq damý, ınnovasııalar jáne aeroǵarysh ónerkásibi mınıstrliginiń Memlekettik qyzmetter komıteti tóraǵasynyń orynbasary qyzmetin atqaryp kelgen.