Qazaqstandyq Mıhaıl Kýkýshkın men Beıbit Jýkaev Chellendjer týrnırlerin jeńispen bastady, dep habarlaıdy Egemen.kz.
Qazaqstan tennıs federasııasy jazǵandaı, Kýkýshkın Helsınkıde irikteý saıystarynan keıin negizgi jarystyń alǵashqy aınalymynda ıtalııalyq Stefano Travalıamen sheberlik baıqasty. Qazaqstandyq tennısshi qarsylasyn 6:2, 6:4 esebimen utyp, ekinshi aınalymǵa shyqty. Mıhaıl shırek fınalǵa shyǵý úshin reseılik Evgenıı Karlovskıımen talasady.
Al Jýkaev Japonııanyń Kobe qalasynda bastapqy kezdesýin sátti ótkizdi. Beıbit kort ıesi Iýchı Sýgıtany 4:6, 6:4, 6:4 esebimen tize búktirdi. Qazaqstandyq tennısshi báseke barysynda 24 eıs jasap, kózge tústi. Ol ekinshi aınalymda álemniń 84-raketkasy, dodanyń birinshi raketkasy, aýstralııalyq Krıstofer O'Konnelmen kezdesedi.