ASTANA. 29 mamyr. Bul kúni budan bylaı Eýrazııalyq ıntegrasııa kúni retindegi aıtýly dataǵa aınalýǵa laıyq. Bul týraly búgin Eýrazııalyq ekonomıkalyq odaq qurý týraly shartqa qol qoıylǵannan keıin Qazaqstan Prezıdenti Nursultan Nazarbaev málimdedi.
«Búgin Qazaqstan, Reseı jáne Belarýs halqy úshin aıtýly kún. Eýrazııalyq ekonomıkalyq odaq máńgi dostyq, tatý kórshilik pen ózara qarym-qatynastyń jańa berik mehanızmi. Men sondyqtan da 29 mamyrdy bizdiń elderimizdiń aıtýly datalar kúntizbesinde – Eýrazııalyq ıntegrasııa kúni retinde enýge laıyqty dep sanaımyn», - dedi Nursultan Nazarbaev.
«Barsha azamattardy osynaý tarıhı kúnmen quttyqtaı otyryp, bizdiń ekonomıkalyq odaǵymyzǵa aq jol tileımin», - dedi Prezıdent.
Murat Aıtqoja.
Derekkóz: BNews.kz.
Foto: BNews.kz.