Astana qalalyq qoǵamdyq densaýlyq saqtaý basqarmasy órtten zardap shekkenderdiń jaǵdaıy týraly aıtty, dep habarlaıdy Egemen.kz.
16 qarashada tórt naýqas jedel járdem kóligimen №1 kópsalaly qalalyq aýrýhanaǵa jetkizildi. О́rt sóndirýshi 1994 jyly týǵan Asqar Zabıkýlın qazir jansaqtaý bóliminde jatyr. Ol 3-dárejeli kúıik alǵan. Jaǵdaıy óte aýyr.
№10 órt sóndirý bóliminiń komandıri, 1988 jyly týǵan Kempirov Aıannyń jaǵdaıy ortasha.
«Eki naýqas toksıkologııa bóliminde em qabyldap jatyr. Ekeýiniń de jaǵdaıy ortasha aýyr. Jaǵdaılary jaqsardy», dep habarlady Astana qalalyq qoǵamdyq densaýlyq saqtaý basqarmasy.
Eske sala keteıik, keshe «Qaharman» turǵyn úı kesheninde 11-qabattaǵy páterden órt shyqty. О́rt sóndirýshiler bes adamdy, onyń ishinde bir balany qutqaryp, on adamdy qaýipsiz jerge kóshirdi.