Shymkentte «Páter» jedel-profılaktıkalyq is-sharasy aıasynda kóshi-qon zańnamasyn buzǵan 87 sheteldik anyqtaldy, dep habarlaıdy Egemen.kz.
Shymkent qalasy Polısııa departamentiniń bastyǵy Q.S.Dálbekovtiń nusqaýyna sáıkes, Shymkent qalasy aýmaǵynda «Páter» jedel-profılaktıkalyq is-sharasy ótip jatyr. Is-sharanyń basty maqsaty – qoǵamdyq tártipti saqtaý, kópqabatty úılerdiń árbir páterin, aýlalardy, jeke úılerdi aralap, onda turyp jatqan adamdar jaıly aqparat bilý. Sondaı-aq qarý ıelerin, IIO-da esepte turatyn tulǵalardy tekserip, zańsyz kóshi-qonnyń jolyn kesý.
Shara barysynda ýchaskelik polısııa ınspektorlary qala aýmaǵynda ornalasqan 1630 páter men jeke turǵyn úılerdi aralady. Onyń ishinde jalǵa beriletin páterler tekserilip, onda turyp jatqan 378 azamattyń tirkeýsiz turyp jatqany anyqtaldy. Buǵan qosa 964 qarý ıesi tekserilip, qarýdy tirkeý jáne saqtaý tártibin buzǵany úshin 24 tulǵa ákimshilik jaýapkershilikke tartyldy. Zańsyz tirkelmegen bir qarý tárkilenip alyndy.
Kóshi-qon zańnamasyn buzǵan 87 shetel azamatyna qatysty QR ÁQBtK-niń 517-baby boıynsha ákimshilik hattama toltyryldy. Aýdandyq Polısııa basqarmalary men ýchakelik polısııa pýnktterine barlyǵy 446 tulǵa jetkizilip, qol saýsaq izderi alyndy.