Qaraǵandy qalasy Kúngeı shaǵynaýdanynda ornalasqan №795 saılaý ýchaskesinde qazaqtyń aqıyq aqyny, Memlekettik syılyq ıegeri Serik Aqsuńqaruly daýys berdi, dep jazady Egemen.kz.
- Búgin – tarıhı syndarly sát. Qazaqstan halqy óziniń tańdaýyn jasaıdy. Biz erteńnen bastap, Jańa Qazaqstanda, órkenıet tórine qaraı umtylǵan, quqyqtyq memleket quratyn, bardy bar, joqty joq dep aıtatyn Qazaqstanda ómir súretin bolamyz. Men urpaǵym úshin, urpaǵymnyń bolashaǵy úshin daýys berip turmyn. Tarıhı tańdaýymdy durys jasadym dep oılaımyn. Zaman erteńnen 180 gradýska ózgeredi dep senemin, - deıdi Serik Aqsuńqaruly.
№795 saılaý ýchaskesiniń tóraǵasy Dınara Mýsaevanyń aıtýynsha bul saılaý ýchaskesinde 2885 saılaýshy bar. Qazirgi kezde 105 adam daýys berdi. Saılaýshylar arasynda 18 jasqa endi ǵana tolǵan 64 jas tizimde.
- Saılaý ýchaskesinde daýys berý úshin barlyq jaǵdaı jasalǵan. Múmkindigi shekteýli jandarǵa arnaıy oryndar qarastyryldy. Úıden daýys beremin dep ótinish bildirgen 1 saılaýshy bar. Al eń úlken egde jastaǵy daýys berýshimizdiń jasy 85-te, - deıdi komıssııa tóraǵasy.