Qatarda fýtboldan 2022 jylǵy álem chempıonaty bastaldy. Búgin Qatar men Ekvador quramalary («A» toby) kezdesetin «Ál-Baıt» stadıonynda jankúıerlerge arnalǵan otshashý uıymdastyryldy, dep habarlaıdy Egemen.kz euronews.com saıtyna silteme jasap.
Barlyq jankúıerler tolyq jınalmasa da, stadıonda alǵashqy qıyndyqtar týyndady. FIFA týrnırindegi qaýipsizdik sharasyna baılanysty, senbi kúni myńdaǵan jankúıerge álem chempıonatynyń konsertine qatysýǵa tyıym salyndy.
Aıta keteıik, 18 jeltoqsanǵa deıin jalǵasatyn 22-shi álem chempıonatyna 32 komanda qatysady.
Qazaqstandyq fýtbol jankúıerleri chempıonat matchtaryn Qazaqstan jáne Qazsport telearnalarynan tikeleı efırde tamashalaı alady. Sonymen qatar, qazaqstan.tv jáne qazsporttv.kz saıttarynda, Qazaqstan.tv mobıldi qosymshasy arqyly tikeleı onlaın translıasııaǵa qosyla alady.