Indonezııanyń Iаva aralynda jer silkinisi boldy. Oqıǵa saldarynan 46 adam qaıtys boldy, dep habarlaıdy Egemen.kz BBC agenttigine silteme jasap.
AQSh-tyń Geologııalyq qyzmeti usynǵan derekterge qaraǵanda, Batys Iаvadaǵy Chıandjýr qalasynda oryn alǵan 5,6 baldyq jer silkinisi 10 km tereńdikte bolǵan.
Jer silkinisi Djakarta astanasynan shamamen 100 km qashyqtyqta sezildi. Indonezııa astanasynyń kópqabatty ǵımarattarynda bolǵan adamdar da dereý evakýasııalandy.
Indonezııa bıligi habarlaǵandaı, jer asty dúmpýleri áli de qaıtalaný múmkin. Jer silkinisi bolǵan aımaqtyń kóshkinge beıim ekeni burynnan belgili. Chandjýr qalasy ákimshiliginiń basshysy German Sýherman aýqymdy jer silkinisinen kem degende 46 adam kóz jumǵanyn habarlady. Taǵy 700-ge jýyq adam túrli dene jaraqattaryn aldy.
Tabıǵı apattardy azaıtý jónindegi Ulttyq agenttiktiń habarlaýynsha, Chandjýr aımaǵynda ondaǵan ǵımarattar opyrylyp túsken. Olardyń arasynda áleýmettik mańyzy bar mekemeler, atap aıtqanda, aýrýhana men ıslam mektep-ınternaty bar.