Almaty oblysy ákiminiń ókimimen Bota Serikqyzy Eleýsizova Ishki saıasat basqarmasynyń basshysy bolyp taǵaıyndaldy, dep habarlaıdy Egemen.kz Almaty oblysy ákimdiginiń baspasóz qyzmetine silteme jasap.
Bota Serikqyzy Eleýsizova 1975 jyly dúnıege kelgen. 1998 jyly Qazaq memlekettik agrarlyq ýnıversıtetin, 2004 jyly Qazaq memlekettik qyzdar pedagogıkalyq ınstıtýtyn bitirgen. Eńbek jolyn 1992 jyly Almaty oblysy, Eńbekshiqazaq aýdany, Túrgen aýylyndaǵy «Nadejda» agroónerkásiptik fırmasynda bastady.
Memlekettik qyzmetti 2002 jyly Eńbekshiqazaq aýdany Túrgen aýyldyq okrýgi ákimi apparatynyń mamany bolyp atqara bastady. Ár jyldary bir aýdanda ákimniń orynbasary, odan keıin ákim qyzmetterin atqardy. 2019 jyldan bastap Kegen aýdany ákiminiń orynbasary qyzmetin atqaryp keledi.
Bıylǵy jyldyń qazan aıynan bastap oblystyq ishki saıasat basqarmasy basshysynyń mindetin atqardy.