Búgin Kókshetaý qalasynda erlikpen qaza tapqan azamattyq qorǵaý kapıtany Zabıkýlın Asqar Serikulyn áriptesteri men týǵan-týystary sońǵy saparǵa shyǵaryp saldy, dep habarlaıdy Egemen.kz.
«Saǵat 12.00-de respýblıka boıynsha Tótenshe jaǵdaılar mınıstrliginiń aýmaqtyq bólimsheleri bir mınýttyq únsizdikpen eske aldy. Asqar Zabıkýlın týǵan jerinde, Eńbekshilder aýdany, Kazgorodok aýylynda jerlendi», delingen TJM habarlamasynda.
Aıta keteıik, dárigerler Asqar Zabıkýlınniń ómirin saqtap qalý úshin birneshe kún kúresti. Alaıda 20 qarashada ol aýrýhanada kóz jumdy. Asqar Zabıkýlın 16 qarashada Astanada órt shyqqan úıden turǵyndardy qutqarǵan. О́rt kezinde taǵy bir órt sóndirýshi zardap shekti.
Atalǵan fakti boıynsha qyzmettik tekseris júrgizilýde.
Memleket basshysy Qasym-Jomart Toqaev órt sóndirýshilerdi marapattaý týraly Jarlyqqa qol qoıdy. Asqar Zabıkýlınniń otbasyna úsh bólmeli páter beriledi. Elorda kósheleriniń birine Asqar Zabıkýlınniń esimi berilip, bıýsti ornatylady.