Astana emhanalary jańa avtokólikterge ıe boldy. Avtopark shuǵyl jetýdiń 4-sanatyna, úıge, mobıldi brıgadalardy tasymaldaýǵa jáne t. b. shaqyrýlardy oryndaý úshin taǵy 50 avtokólikpen tolyqtyryldy, dep habarlaıdy Egemen.kz qala ákimdiginiń resmı saıtyna silteme jasap.
Osy jyldyń qyrkúıek aıynyń basynda jedel medısınalyq járdem stansııasyna 55 arnaıy mashına berildi. Jalpy alǵanda, qalanyń medısınalyq mekemeleri men jedel medısınalyq járdem stansııalarynyń avtoparki sońǵy jyldary 200-den astam avtokólikpen tolyqtyryldy.
Sońǵy úsh jylda medısınalyq mekemeler 3 myńǵa jýyq arnaıy jabdyqtarmen jaraqtandyryldy, 40 «Úı janyndaǵy dáriger» nysany ashyldy (onyń 7-si turǵyn alaptarynda), jyl sońyna deıin taǵy 10 «Úı janyndaǵy dáriger» nysany ashylady. Birqatar medısınalyq mekemelerde jóndeý jumystary júrgizildi. 4 medısınalyq mekeme qurylysy boıynsha jobalar iske asyrylýda.
Astanada perzenthanalardyń, «Jaǵalaý-3» ambýlatorııalyq-emhanalyq keshenderiniń jáne «Nurly jol» vokzaly aýdanynda, Kóktal-1 JM alǵashqy medısınalyq-sanıtarlyq kómek ortalyqtary, Telman, Prıgorodnyı jáne t.b. qurylysy josparlanǵan.