Túrkııanyń Dıýzdje qalasynda bolǵan jer silkinisinen zardap shekkenderdiń sany 93 adamǵa jetti, dep habarlaıdy Egemen.kz.
Eldiń Densaýlyq saqtaý mınıstri Fahrettın Qoja buǵan deıin 68 adamnyń zardap shekkenin habarlaǵan edi. Qazir olardyń sany 93 adamǵa jetti. Olardyń 14-i dárigerlerdiń baqylaýynda jatyr.
Mınıstrdiń aıtýynsha, zardap shekkenderdiń kópshiligi - Dıýzdje turǵyndary. Adamdar ártúrli dárejedegi dene jaraqattaryn aldy.
Túrkııa Úkimetiniń tótenshe jaǵdaılardyń aldyn alý jáne joıý basqarmasynyń (AFAD) jańartylǵan málimetterine sáıkes, aımaqta 212 jer asty dúmpýleri boldy, olardyń eń kúshtisi 4,3 balldy qurady.
Buǵan deıin Túrkııada jergilikti ýaqyt boıynsha saǵat 04:08-de Rıhter shkalasy boıynsha 5,9 baldyq jer silkinisi bolǵany habarlanǵan edi. Jer asty dúmpýleriniń epısentri eldiń soltústik-batysynda dál osy provınsııanyń Dıýzdje qalasynda boldy.