Memleket basshysy Qasym-Jomart Toqaev kásipkerler tek salyq organdarynyń aldynda ǵana esep beretinin aıtty, dep habarlaıdy Egemen.kz.
«Basty mindet – isker azamattarymyzdyń kásipkerlik rýhyna zııanyn tıgizetin jasandy kedergiler men shekteýlerdiń bárin joıý. Kásipkerler bızneske júrgiziletin sebepsiz tekserýlerdi birjolata umytýy qajet. Olar tek salyq organdarynyń aldynda ǵana esep beredi. Memleket pen bıznes – senimdi seriktester», dedi Prezıdent.
Budan soń, ol shaǵyn jáne orta bıznestiń damýyna zańsyz kedergi keltiretinderdiń bári zańǵa sáıkes qatań jaýapqa tartylatynyn aıtty.
«Biz aýqymdy ındýstrııalandyrýdy, ınfraqurylymdardy salýdy jáne jańǵyrtýdy qolǵa alamyz. Keń baıtaq elimizdiń ár óńiriniń damýyna tyń serpin berý mańyzdy», dedi Memleket basshysy.