Sınoptıkterdiń málimetinshe, 28 qarasha keshki saǵat 19:00-den bastap Abaı jáne Shyǵys Qazaqstan oblystarynda aýa temperatýrasy -30S-tan tómen bolýy múmkin, dep jazady Egemen.kz.
Osyǵan oraı jol qozǵalysyna qatysýshylardyń qaýipsizdigin qamtamasyz etý maqsatynda keshki saǵat 19:00-den bastap joǵaryda atalǵan óńirlerdiń barlyq respýblıkalyq avtojoldarynda dızelmen júretin jáne qoǵamdyq kólikter qozǵalysy ýaqytsha shekteledi.
Sondaı-aq QazAvtoJol ulttyq kompanııasy jolaýshylardan marshrýtty aldyn ala túzetýdi, alys saparǵa shyqpaýdy jáne aýa-raıy boljamyn muqııat qadaǵalaýdy suraıdy.
«Shtattan tys jaǵdaı týyndasa júrgizýshiler men jolaýshylarǵa QazAvtoJol ulttyq kompanııasynyń 1403 qysqa nómiri boıynsha táýlik boıy jumys jasaıtyn call-ortalyǵyna habarlasýǵa keńes beremiz», delingen kompanııa habarlamasynda.