Búgin Túrkistan oblysy Ashysaı asýyndaǵy Kentaý-Sholaqqorǵan avtojolynyń 55 shaqyrymynda jolda qalǵan 35 adam qutqaryldy, dep habarlaıdy Egemen.kz Túrkistan oblysy TJD baspasóz qyzmetine silteme jasap.
«2022 jylǵy 29 qarashada 112 pýltine Ashysaı asýyndaǵy Kentaý-Sholaqqorǵan avtojolynyń 55 shaqyrymynda kóktaıǵaqqa baılanysty jolaýshylary bar 2 júk jáne 8 jeńil avtomobılden quralǵan keptelis paıda bolǵany týraly habarlama kelip tústi. TJ ornyna kelgen qutqarýshylar 2 júk jáne 8 jeńil avtokólikti súırep alyp shyqty. 35 adam, onyń ishinde 2 bala qutqaryldy. Olarǵa medısınalyq kómek qajet bolǵan joq», delingen TJD habarlamasynda.
Avarııalyq-qutqarý operasııasyna Túrkistan oblysy Tótenshe jaǵdaılar departamentiniń 13 qyzmetkeri men 2 tehnıkasy jumyldyryldy.
Túrkistan oblysynyń TJD azamattardy aýa raıynyń ózgerýin baqylaýǵa shaqyrady.