«QazaqGaz» UK» AQ dırektorlar keńesiniń quramyna Anatoly Tegisbaev pen Ánýar Bıtanov kirdi, dep habarlaıdy Egemen.kz.
Anatoly Tegisbaev – elimizdiń gaz ónerkásibiniń ardageri, salanyń damýyna uzaq jyldar boıy eńbek sińirgen azamat. Ol munaı-gaz kesheniniń bastaýynda turdy, salada 40 jyldyq tájirıbesi bar. Bilimi men biliktiliginiń arqasynda ýchastok sheberinen bas ınjenerge deıin kóterildi. Túrli jyldary «Qarashyǵanaqgazprom» AQ, «Qazbýrgaz» AAQ, «Qarashyǵanaq QMG» JShS jáne t.b basshylyq qyzmette boldy. 2022 jyldan beri Anatoly Tegisbaev QazaqGaz sarapshylar keńesiniń tóraǵasy retinde gaz salasyn reformalaýǵa belsene atsalysýda.
Ánýar Bıtanov - London bıznes mektebi MVA baǵdarlamasynyń túlegi jáne Stenford ýnıversıtetiniń munaı ınjenerııasy magıstri. Munaı-gaz salasynda kóp jyldyq tájirıbesi bar (AGIPKCO, KAZAKHOIL AKTOBE LLP, BIG SKY ENERGY CORPORATION, ROXI PETROLEUM). 2012 jyldan bastap, munaı-gaz jobalarynyń menedjeri, sodan soń McKinsey & Company halyqaralyq konsaltıngtik kompanııasynda seriktes retinde jumys istedi. AQSh, Germanııa, Kolýmbııa, Meksıka jáne taǵy basqa elderde aýqymdy jobalardy júzege asyrǵan. Ánýardyń tabıǵı resýrstar salasyna konsaltıng jasaý boıynsha mol tájirıbesi bar.