Qazaqstan Respýblıkasy Syrtqy ister mınıstrliginiń resmı ókili Aıbek Smadııarov Ýkraına tarapy jańa elshiniń kandıdatýrasyn usynǵanyn aıtty, dep habarlaıdy Egemen.kz.
«Buryn brıfıngterde habarlanǵandaı, ýkraın tarapy jańa elshini usyndy. Qazir bul kandıdatýrany qarastyryp jatyrmyz. Bizdiń kelisimimizsiz olar elshi taǵaıyndaı almaıdy. Buıryq osyndaı», dedi BAQ ókilderine arnalǵan brıfıngte QR SIM resmı ókili Aıbek Smadııarov.
Buǵan deıin Ýkraına prezıdenti Vladımır Zelenskıı Ýkraınanyń Qazaqstandaǵy elshisi Petr Vrýblevskııdi qyzmetinen bosatý týraly jarlyqqa qol qoıǵany habarlanǵan bolatyn. Qazaqstan Respýblıkasynyń Syrtqy ister mınıstrligi Ýkraına elshisiniń arandatýshylyq málimdemesi úshin oǵan narazylyq bildirdi.