Májilistiń Ekonomıkalyq reforma jáne óńirlik damý komıtetiniń tóraǵasy Seıitsultan Áıimbetov bastaǵan bir top depýtat Qyzylorda oblysyna arnaıy saparmen kelip, eldiń tynys-tirshiligimen tanysyp, kóshpeli otyrys ótkizdi. Olardyń qatarynda Ashat Bekenov, Talǵat Erǵalıev, Serikjan Qanaev, Nadejda Nesterova, Ámirhan Rahymjanov, Aıgúl Soloveva syndy el senimine ıe bolǵan depýtattar bar. Astanadan arnaıy kelgen meımandar aldymen qalaǵa qarasty Aqsýat eldi mekeninde bolyp, aýyldyń búgingi jaı-kúıimen tanysty. Jumystaryn jańadan ashylǵan aýyldyq klýbtyń kúıimen tanysýdan bastady. Munan soń ótken jyly iske qosylǵan jol tósendilerin shyǵaratyn shaǵyn zaýytta boldy. Munda bes adam turaqty jumyspen qamtylǵan. «Shyǵarǵan ónimge suranys joǵary»,– deıdi zaýyt basshysy Ashat Nurseıitov. Halyq qalaýlylary «Smart Rubber» jaýapkershiligi shekteýli seriktestiginde de boldy. Atalǵan mekeme jaramsyz shınany óńdeýmen aınalysady. Innovasııalyq jobanyń ekologııalyq turǵydan tıgizer paıdasy kóp. Qazaqstan men Germanııanyń birlesken kásiporny jylyna 2,5 myń tonna dóńgelek qabyldap, odan 1,5 myń tonna rezeńke untaǵyn shyǵarady. О́nim tereń óńdelip, jasandy fýtbol alańdarynyń betki qabaty óndiriledi. Aldaǵy ýaqytta óńirde salynatyn oıyn alańdarynda osy ónim qoldanylady. Sondaı-aq, jol qurylysyna qajetti belsendi untaq shyǵarylady. Bıtýmmen aralasqan bul untaq asfalttyń sapasyn jaqsartady. Al «QazRossInnovasııa» mekemesi aýyz sýdy súzgiden ótkizetin qondyrǵyny qurastyrýmen aınalysýda. Depýtattar ınnovasııalyq jobalardyń aýyldyq jerde kóbeıip jatqandyǵy qýantady deıdi. – О́zin ózin basqarý týraly zańnama ótken jyly qabyldanǵanyn bilesizder. Sonyń óńirlerde júzege asý barysymen tanysyp jatyrmyz. Taǵy bir aıta keterligi, Qyzylordada oblys ortalyǵynan bólek, shalǵaıdaǵy aýyldarda kásipkerlik salasy jandanyp keledi eken. Bul jumyssyzdyqtyń joıylyp, halyqtyń jaǵdaıy jaqsaryp kele jatqandyǵynyń aıqyn kórinisi,– deıdi Parlament Májilisiniń depýtaty Seıitsultan Áıimbetov. Sondaı-aq, halyq qalaýlylary keshe ǵana úsh eldiń basshylary qol qoıǵan Eýrazııalyq ekonomıkalyq odaq týraly kelisim otandyq ónimdi ózgelerge ótkizýge múmkindik týǵyzatynyn atap ótti. Sapar barysynda Májilistiń Ekonomıkalyq reforma jáne óńirlik damý komıtetiniń kóshpeli otyrysy ótti. Jıynǵa atalǵan komıtettiń músheleri men oblys ákimi Qyrymbek Kósherbaev qatysty. Kóshpeli otyrysty ashqan Ekonomıkalyq reforma jáne óńirlik damý komıtetiniń tóraǵasy Seıitsultan Áıimbetov Qyzylorda oblysynda aýyldyq jerlerde jergilikti ózin ózi basqarýda úlken tájirıbesi bar ekenin jáne ekonomıkanyń turaqty damý úrdisi saqtalyp otyrǵandyǵyn aıtty. Aımaq basshysy Qyrymbek Kósherbaev ózin ózi basqarý baǵytynda atqarylyp jatqan jumystarǵa toqtaldy. – Munaıly aımaqtyń muńy az bolýy kerek. Bastysy, salyq bazasyn keńeıtý baǵytynda jumys jasap jatyrmyz. О́ndiris oryndaryn ýaqyt ótken saıyn kóbeıtýdemiz. О́tken jyly aýyl ákimderin kýrstardan ótkizdik. Biraq bunyń ózi azdyq etedi. Kadr máselesinde qıyndyq kóp. Aýyldyq jerlerge ákimdikke birneshe úmitker bolýy qajet. Bizdiń basty mindetimiz bılikti barynsha halyqqa jaqyndatý, – dedi ol. Munan keıin sóz alǵan halyq qalaýlylary byltyr qabyldanǵan zańnyń elge tıimdi tustaryn basa aıtty. Al О́ńirlik damý mınıstrliginiń ókilderi aımaqtardyń damýy týrasynda tushymdy baıandama jasady. Halyq qalaýlylary kóshpeli jıyndy ótkizý úshin Qyzylordanyń beker tańdalmaǵanyn tilge tıek etti. – Keıbir aımaqtarda qalanyń ózinde basqarý júıesi bir jolǵa qoıylmaǵan. Al Syr elinde aýyldyq jerlerde bul másele sheshimin tapqan. Endi ony jandandyra túsý kerek. Keshe birneshe aýylda boldyq. Barlyǵynda ósý, órkendeý bar. Tipti, ınnovasııalyq jobalar júzege asyp jatyr,– dedi Seıitsultan Súleımenuly. Kóshpeli otyrys barysynda kóptegen usynystar aıtyldy. Depýtattar jasalǵan usynystardy tıisti dárejesinde kóteretinderin málimdedi. Erjan BAITILES, «Egemen Qazaqstan». Qyzylorda oblysy.