Qazaqstandyq tennısshiler Grıgorıı Lomakın, Iаroslav Pshenıchnyı jáne Taıyr Qaıretdınov halyqaralyq týrnırlerdiń fınalısi atandy, dep habarlaıdy Egemen.kz QTF-ǵa silteme jasap.
Lomakın juptyq synda brazılııalyq Igor Hımenespen birge Vakarııada (Brazılııa) ótken ITF jarysynda (júlde qory – 25 myń dollar) fınalǵa deıin jetti.
Sońǵy básekede Grıgorıı men Igor tartysty matchta brazılııalyqtar Joao Loýreıro – Gýstavo Heıdege ese jiberdi – 6:3, 6:7 (5:7), 5:10.
Túrkııada 14 jasqa deıingiler arasynda úshinshi sanattaǵy Tennis Europe dodasynda Pshenıchnyı men Qaıretdınov fınalda reseılik Kartsev pen túrkııalyq Baıbarysqa jol berdi – 4:6, 2:6.
Ispanııada Rafael Nadal akademııasynda 12 jasqa deıingiler arasynda TEN-PRO Global Junior Tour týrnıri máresine jetti. Oǵan Astana men Petropavl tennıs mektebiniń tárbıelenýshileri qatysty. Astanalyq Polına Lazarenko úshinshi orynǵa kóterilse, Abylaı Tóleýbaev «Týrnırdiń úzdik oıynshysy» atalymy boıynsha arnaıy júldemen marapattaldy.