«Qazgıdromet» RMK 10-12 jeltoqsanǵa arnalǵan aýa raıy boljamyn usyndy, dep habarlaıdy Egemen.kz.
Sınoptıkterdiń málimetinshe, atmosferalyq frontaldy bólikterdiń ótýi áserinen elimizdiń basym bóliginde turaqsyz aýa raıy saqtalady, qar jaýady. Tek elimizdiń batysynda, ońtústiginde, ortalyǵynda aýa raıy negizinen jaýyn-shashynsyz bolady. Respýblıkanyń soltústik-batysynda, soltústiginde, shyǵysynda burqasyn men jel kúsheıedi. Ońtústik pen ońtústik-shyǵysty tuman basady.
Aýa temperatýrasy túnde batysta 7-20 - 5-15-ke deıin aıaz, soltústik-batysta 18-30 - 12-22-ge deıin aıaz, soltústikte 17-30 - 10-26-ǵa deıin aıaz bolady.
Ortalyqta 20-30 - 18-28-ge deıin, respýblıkanyń shyǵysynda 15-35 - 12-25-ke deıin, ońtústikte 10-30 - 7-20-ǵa deıin, ońtústik-shyǵysta 7-20-ǵa deıin aıaz bolady. Respýblıkada túnde negizgi temperatýra - 12-25 gradýs aıaz.