Túrkistan oblysynda úıinde esirtki saqtaǵan turǵyn ustaldy, dep habarlaıdy Egemen.kz.
Túrkistan oblysy IID Esirtki qylmysyna qarsy kúres basqarmasynyń qyzmetkerleri júrgizgen jedel-izdestirý is-sharalary barysynda kúdikti Saryaǵash aýdanynyń turǵynyn ustady. Onyń úıin tintý kezinde polıseıler esirtki zatyna uqsaıtyn úsh polıetılen paket tárkiledi.
Tekserý kezinde kúdikti esirtkini Keles óńirindegi dosynan alǵany belgili boldy. Alynǵan málimet boıynsha, tergeýshiler dereý shara qoldandy. Keles aýdany turǵynynyń úıinde odan ári izdestirý sharalary júrgizildi. Nátıjesinde polıseıler kúdiktiniń úıininen ishinde esirtki zaty bar bes polıetılen paketin tapty. Alynǵan zattaı dáleldeme saraptamaǵa jiberildi.
Esirtki jalpy salmaǵy shamamen 10 keli bolatyn marıhýana bolyp shyqty. Atalǵan faktiler Qazaqstan Respýblıkasy Qylmystyq kodeksiniń 296-baby «Esirtki, psıhotroptyq zattarmen, sol tektestermen ótkizý maqsatynsyz zańsyz jumys isteý» boıynsha tirkeldi.
Qazirgi ýaqytta sotqa deıingi tergeý amaldary júrgizilýde. Oqıǵanyń barlyq mán-jaıy anyqtalyp jatyr.