Almaty oblysynda qarý-jaraq saqtalǵan oryn anyqtaldy, dep habarlaıdy Egemen.kz Polisia.kz-ke silteme jasap.
Jedel-izdestirý is-sharalaryn ótkizý barysynda Almaty oblysy PD EQIQB qyzmetkerleri Almaty oblysy boıynsha UQKD qyzmetkerlerimen birlesip, Qonaev qalasyndaǵy orman jolaǵynan qarý-jaraq saqtalǵan oryndy anyqtady.
«Qytaı sómkesiniń ishinen 12 mm vınchesterdiń 2 birligi, 223 Rem BENELLI myltyq karabıni, 16 mm eki uńǵyly kesilgen ańshy myltyǵy jáne bir uńǵyly kesilgen myltyq tabyldy. Sonymen qatar gaz tapanshasy, F-1 eki jaýyngerlik granata, 440 dana 7,62 mm kalıbrli jáne 18 dana 12 kalıbrli patrony bar temir qorap, sondaı-aq oq ótpeıtin jılet tárkilendi», dep jazylǵan IIM taratqan habarlamada.
Atalǵan derek QR QK-niń 287-babynyń 3-bóligi boıynsha Qonaev qalasy PB-ǵa tirkelgen. Qajetti saraptamalyq tekserýler taǵaıyndaldy jáne tergeý júrgizilip jatyr.