Norvegııanyń Asker qalasynda ótip jatqan 2022 jylǵy jastar arasyndaǵy hokkeıden álem chempıonatynda Qazaqstan quramasy ekinshi kezdesýin ótkizip, Danııa quramasyn jeńdi, dep habarlaıdy Egemen.kz.
I dıvızıonnyń «A» kishi tobynyń kezdesýinde qazaqstandyqtar Danııadan 4:0 esebimen basym tústi. Bul teketireste 7-mınýtta Roman Ermak esep ashty. Ekinshi kezeńde komandalar gol soǵa almasa, sońǵy 20 mınýtta qazaqstandyqtar qarsylastyń qaqpasyna gol soqty.
Osylaısha Qazaqstan quramasy qorjynyna 6 upaı jınap, týrnırlik kestede úshinshi orynǵa turaqtady. Buǵan deıin Vengrııany 3:2 esebimen utyp, fransýzdardan 0:2 esebimen utylǵan bolatyn. Bul jarysta 9 upaımen Norvegııa quramasy kósh bastap tur, ekinshi orynda Fransııa quramasy (6 upaı).
Qazaqstan jastar quramasy kelesi oıynyn 15 jeltoqsanda Slovenııa quramasyna qarsy ótkizedi.