Qazaqstanda «7-20-25» baǵdarlamasyn 2029 jylǵa deıin jalǵastyrý máselesi talqylanyp jatyr, dep habarlaıdy Egemen.kz Ulttyq bankke silteme jasap.
Aqparat boıynsha, Memleket basshysy saılaýaldy tuǵyrnamany iske asyrý aıasynda «7-20-25» baǵdarlamasyn 2029 jylǵa deıin jalǵastyrýdy tapsyrǵan.
«Qazirgi tańda Ulttyq bank Úkimetpen jáne basqa da múddeli memlekettik organdarmen birlesip, Memleket basshysynyń tapsyrmasyn oryndaý maqsatynda jekelegen, sonyń ishinde qarjylandyrý máselesine baılanysty parametrlerdi naqtylap jatyr», delingen bank habarlamasynda.
Aıta keteıik, qabyldanǵan sheshim talqylaý aıaqtalǵannan keıin jarııalanady.