Qorǵanys mınıstriniń buıryǵymen Qurlyq áskerleri Áskerı ınstıtýtynyń áskerı qyzmetshisi 3-synypty serjant Jandos Barlybaev erligi úshin «El qorǵany» medalimen marapattaldy. Búgin marapatty qorǵanys vedomstvosy basshysynyń atynan Desanttyq-shabýyldaý áskerleriniń qolbasshysy general-maıor Almaz Jumakeev tabystady, dep habarlaıdy Egemen.kz.
Esterińizge sala ketsek, keshe Almaty qalasynda Krasnogorskaıa kóshesi, 4/1 mekenjaıynda ornalasqan jataqhananyń birinen órt shyqqan bolatyn. Áskerı qyzmetshi ol týraly tanystarynan estip, oılanbastan oqıǵa ornyna barǵan. Kórshi ǵımarattyń otqa oranǵan 2-shi qabatyn kórgen serjant Jandos Barlybaev tereze torlarymen ekinshi qabatqa kóteriledi. Ol jerden 12-13 jastaǵy balany, tórt aılyq náresteni alyp shyǵyp, sondaı-aq anasynyń janyp jatqan ǵımarattan shyǵýyna kómektesti.