Jyl saıyn qazan-sáýir aılarynda respýblıkada JRVI jáne tumaý aýrýlarynyń maýsymdyq ósýi tirkeledi. Epıdemııaǵa qarsy sharalardy qabyldaý maqsatynda Qazaqstan halqynyń jiti respıratorlyq vırýstyq ınfeksııalarmen jáne tumaýmen syrqattanýshylyǵynyń jaı-kúıine jáne tumaý vırýsynyń aınalymyna monıtorıng júrgizilip jatyr, dep habarlaıdy Egemen.kz.
Jyl saıyn respýblıkada JRVI-diń 3-4 mln jaǵdaıy jáne tumaýdyń 2 myńǵa deıin jaǵdaıy tirkeledi.
Qazirgi ýaqytta tumaýǵa qarsy vaksınalardyń shtamdyq quramyna kiretin jedel respıratorlyq vırýstyq ınfeksııalar men A(H1N1), A(H3N2) jáne V tumaýy vırýstarynyń aınalymy baıqalady.
Barlyǵy JRVI-diń 2,1 mln jaǵdaıy jáne tumaýdyń 1 834 jaǵdaıy tirkeldi. О́tken jylmen salystyrǵanda JRVI jaǵdaılarynyń 20%-ǵa ósýi baıqalady. Syrqattanýshylyqtyń ósýi barlyq óńirlerde baıqalady jáne 65%-y 14 jasqa deıingi balalarǵa tıesili.
Álemde A(H1N1), A(H3N2) jáne V tumaýy vırýstarynyń belsendiliginiń artýy baıqalady. Eýropa elderinde, AQSh-ta A tumaýynyń vırýsy basym bolyp tur, onyń ishinde A(H3N2) tumaý jaǵdaılarynyń 83% quraıdy, Azııa elderinde tumaýdyń jergilikti órshýi tirkelgen.
Tumaý kenetten bastalyp, temperatýranyń kúrt kóterilýimen birge júredi. Deneniń aıqyn ıntoksıkasııasy paıda bolady, onyń kelesi belgileri bar: qaltyraý, adınamııa, bulshyqet jáne bas aýrýy, búkil deneniń aýyrýy, tós súıeginiń astyndaǵy aýyrsynýmen qurǵaq jótel.
Kez-kelgen basqa vırýstyq ınfeksııada (JRVI, adenovırýstyq ınfeksııa jáne basqalar) ádette kataraldy belgiler basym bolady, ıaǵnı murynnan sý aǵý bastalady, tamaq aýyrady, sodan keıin ǵana osy kataraldy qubylystardyń aıasynda temperatýra paıda bolady.
Balalarǵa arnalǵan aldaǵy merekeler men demalystardy eskere otyryp, tumaý men JRVI aldyn alýdyń negizgi sharalaryn este ustaǵan jón, máselen:
Naýqas adamdarmen baılanysty shekteńiz, olardyń oqshaýlanýyn qamtamasyz etińiz; Adamdar kóp jınalatyn oryndarǵa barýdy, ásirese jabyq keńistikterde bolýdy shekteńiz; Jótelgende, túshkirgende jáne sińbirgende aýzyńyz ben murnyńyzdy oramalmen jabyńyz, aıqaılamaýǵa, silekeı shashpaýǵa, qushaqtamaýǵa nemese súımeýge tyrysyńyz, óıtkeni shyrysh pen qaqyryq tamshylary ınfeksııanyń negizgi kózine jatady; Bólmeni únemi jeldetip otyryńyz, bólmelerge jıi ylǵaldy tazalaý júrgizińiz, ortaq qoldanystaǵy zattardyń (esik tutqalary, krandar jáne t.b.) jáne barlyq nárselerdiń betki jaǵyn únemi súrtińiz; Qoldy jıi jáne muqııat jýyńyz, qolyńyzdy únemi dymqyl gıgıenalyq jáne dezınfeksııalyq quraldarmen óńdeńiz.