25 jeltoqsanda О́skemende 15 jáne 13 jastaǵy eki bala joǵalyp ketti, dep habarlaıdy Egemen.kz Polisia.kz saıtyna silteme jasap.
Er adam polısııaǵa balalarynyń joǵalyp ketkeni týraly habarlaǵan. Onyń aıtýynsha, onyń 15 jastaǵy uly men 13 jastaǵy qyzy 25 jeltoqsan kúni keshke úıden ketip, oralmaǵan. Balalar telefondaryn úıde qaldyryp ketken.
Kámeletke tolmaǵandardyń júrgen jerin anyqtaý maqsatynda dabyl boıynsha jedel-izdestirý toby dereý jınaldy. Tártip saqshylary kez-kelgen aqparatqa ıe bola alatyn tanystary men kýágerlerden suhbat alyp, irgeles aýmaqtardy, aýlalardy, turǵyn úılerdiń kireberisterin, gúlzarlardy, saıabaqtardy, jastar jınalatyn oryndardy muqııat zerttedi. Izdeý jaıaý jáne qyzmettik avtokólikterdi paıdalaný arqyly júzege asyryldy.
– Qabyldanǵan sharalardyń nátıjesinde 40 mınýttan keıin kámeletke tolmaǵandardy Boran-2 patrýldik ekıpajynyń qyzmetkerleri Salaýat Shákirov pen Qýanysh Akımeev Ostrovskıı kóshesinen tapty. Kámeletke tolmaǵandar ákesimen renjiskennen keıin úıden ketkenderin aıtty. Qazirgi ýaqytta olardyń ómiri men densaýlyǵyna eshqandaı qaýip tónip turǵan joq. Úıge aman-esen jetkizildi, – dedi О́skemen qalasy PB bastyǵy Andreı Mýla.
Tabylǵan jasóspirimderdiń ákesi quqyq qorǵaý organdaryna jáne onyń kámeletke tolmaǵan balalaryn izdeýge kórsetken kómegi úshin barlyq azamattarǵa alǵysyn bildirdi.