Astanada «Táýelsiz elim – tiregim» atty respýblıkalyq aqyndar aıtysy ótti, dep habarlaıdy Egemen.kz elorda ákimdiginiń resmı saıtyna silteme jasap.
Aıtýly sharany Astana qalasy ákimdiginiń Mádenıet basqarmasy Amanat partııasymen birlesip uıymdastyrdy. Dúbirli dodaǵa talaı báıgede top jaryp, jurtshylyqtyń rızashylyǵyna bólenip júrgen Aıbek Qalıev, Bekarys Shoıbekov, Tólegen Jamanov, Birjan Baıtýov, Rústem Aqylbekov bastaǵan on tórt aqyn qatysty.
Aıtys tizginin ustaǵan kórnekti aqyn, Parlament Májilisiniń depýtaty Amanjol Áltaev sóz saıysyn tamashalaýǵa kelgen aǵaıynǵa alǵysyn aıtyp, báıgege shapqaly otyrǵan júırikterge sáttilik tiledi.
Ádil qazylar alqasynyń quramynda Qazaqstannyń eńbek sińirgen qaıratkeri Ǵalym Jaılybaı, aqyn Ásııa Berkenova, fılologııa ǵylymdarynyń doktory Qoılybaı Asanov, Parlament Senatynyń depýtaty Nurtóre Júsip, Májilis depýtaty Janarbek Áshimjan, Halyqaralyq «Alash» syılyǵynyń laýreaty Dáýletkereı Kápuly men «Habar Agenttigi» aksıonerlik qoǵamynyń basqarma tóraǵasy Berik Ýálı boldy.
«Meniń kótergen máselem Jańa Qazaqstanǵa baılanysty boldy. Elde birqatar ózgeris boldy. Osy tóńirekte «Kóp dúnıeniń atyna emes, zatyna mán bereıik» degen taqyrypta ózekti bolyp turǵan Ulytaý, Jańaarqa aýdanyndaǵy áleýmettik máselelerge nazar aýdaraıyq, jańǵyraıyq degen oı negizgi aıtpaǵym boldy. О́zderińiz biletindeı, ult kósemi Ahmet Baıtursynulynyń bıyl mereıtoıy atalyp jatyr. Alash arysy, ádebıettiń atasy dep aıtylǵanymen, kósemniń saıası qaıratkerlik qyryn da kórsetýge tyrystym», dedi Ulytaý oblysynan kelgen aqyn Tólegen Jamanov.
Atalǵan aıtysta oq boıy oza shapqan aqyndar úshin bas júldege 3 mıllıon teńge, I orynǵa 2 mıllıon teńge, II orynǵa 1,5 mıllıon teńge jáne III orynǵa 1 mıllıon teńge tigildi.
Birinen biri ótken sóz barymtasynda bas júldeni ár aıtysy bir jańalyq, atamura ónerimizdiń oza shapqan júırigi Meıirbek Sultanhan ıelendi.
I oryndy aıtystyń kókjaly Bekarys Shoıbekov ıelense, II oryn Ulytaý oblysynyń syrbaz aqyny Tólegen Jamanovqa buıyrdy. III oryndy Aıbek Qalıev, Rústem Qaıyrtaı, Nurbol Jaýynbaı, Nurmahan Jaqypbek aldy.