Syrtqy ister mınıstrliginiń ókili Aıbek Smadııarov Qazaqstan BUU Jarǵysyn saqtaıtyny týraly málimdedi, dep habarlaıdy Egemen.kz.
«Qazir álem halyqaralyq jaǵdaıdyń kúrdeli kezeńin bastan ótkerip jatyr. Onda túıindi jahandyq problemalardy sheshýdiń qarama-qaıshylyqty tásilderi men sanksııalyq qysym ádisteri aldyńǵy qatarǵa shyqty. Memlekettik shekaralardy qaıta formattaý júrip jatyr. Aýmaqtyq daýlar shıelenisip, buryn «muzdatylǵan» qaqtyǵystar qaıtadan «qyza» tústi. Ýkraına daǵdarysy Reseı men Batys arasyndaǵy geosaıası shıelenistiń jańa kezeńine ákelgen eń úlken synaq boldy. Bir kezderi jaqyn, baýyrlas elder arasyndaǵy áskerı qaqtyǵys osy halyqtardyń barlyq dostaryna alańdaýshylyq týdyrady. Biz dástúrli túrde taraptardy jaǵdaıdy turaqtandyrý úshin eleýli dıalog bastaýǵa shaqyramyz», dedi Aıbek Smadııarov brıfıng barysynda.
Bul rette Aıbek Smadııarov Qazaqstan BUU qaǵıdatyn ustanatynyn atap ótti.
«Qazaqstan BUU Jarǵysyn, halyqaralyq quqyqty jáne halyqaralyq qatynastardaǵy teńdik pen demokratııa qaǵıdattaryn udaıy saqtaýdy qoldaıtynyn atap ótkim keledi. Memleket basshysy Qasym-Jomart Toqaev óziniń ınaýgýrasııalyq sózinde atap ótkendeı, halyqaralyq týrbýlenttilik jaǵdaıynda Qazaqstan teńgerimdi, kópvektorly jáne syndarly syrtqy saıasatty ustanady», dep tolyqtyrdy vedomstvonyń resmı ókili.